Як узаемадзейнічаць з людзьмі, якія перажылі трагічныя падзеі?

Калі мы хочам дапамагчы людзям з траўматычным досведам, наша першапчатковая задача — быць у кантакце з сабой і выбудаваць беражлівы і падтрымліваючы кантакт. Вось 6 ідэй, якія могуць дапамагчы.

1. Стварайце бяспечную прастору. Спытайце, ці зручна чалавеку. Простыя пытанні пра святло, тэмпературу, становішча цела — гэта ўжо клопат. Гэта ўжо сувязь.

2. Будзьце адкрытымі і дапытлівымі. Важна разумець, што вы не ведаеце, што можа стаць для людзей, якія перажылі цяжкія падзеі, трыгерам, як і яны самі.

3. Працуйце з самарэгуляцыяй і карэгуляцыяй. Вы можаце дапамагчы іншаму чалавеку, калі самі адчуваеце сябе ў бяспецы. Калі вы самі ў бяспецы — на вашу прысутнасць можна «абаперціся».

4. Трымайце візуальны кантакт. Няхай гэта будзе погляд: «я побач», а не «я ратую».

Важна размаўляць з людзьмі так, каб ім не здавалася, што вы шкадуеце іх або стараецеся дапамагчы любой цаной.

5. Не бойцеся гаварыць пра свае пачуцці, якія ўзнікаюць у працэсе размовы.

Гэта можа дапамагчы стварыць прастору ўзаемнасці і шчырасці. Напрыклад, вы можаце сказаць: «Калі я чую тое, што ты расказваеш, я адчуваю смутак. Мне важна быць побач з табой зараз. Ці ёсць нешта, што магло б падтрымаць цябе ў гэты момант?»

6.Назірайце за тым, што адбываецца з вашым целам, калі вы сутыкаецеся з чымсьці, што вас шакавала. Пакуль вы можаце назіраць за тым, што адбываецца ў вашым целе, і адначасова быць у кантакце з іншым чалавекам, вы ў адноснай бяспецы.